Lög nemendafélags Iðnskólans í Hafnarfirði

1. grein

Nafn félagsins er Nemendafélag Iðnskólans í Hafnarfirði, skammstafað NFIH. Heimili þess og varnarþing er í Hafnarfirði.

2. grein

Markmið nemendafélags Iðnskólans í Hafnarfirði eru:

• að sjá um félagslíf nemenda
• að gæta hagsmuna nemenda
• að taka þátt í starfi félags framhaldsskólanema í landinu
• að veita félögum ýmis fríðindi

3. grein

Stjórn og störf nemendaráðs og nefnda

Nemendaráð, önnur ráð og nefndir taka til starfa í upphafi skólaárs (september ár hvert). Sérstök atriði í starfi þeirra eru:

• Að koma á föstum fundartímum og fundarstað.  Aukafundir eftir þörfum
• Að skrásetja fundi í fundargerðabók
• Að setja sér markmið með félagslífi hvers árs (nemendaráð) og starfsemi (nefndir) ef þau eru ekki til staðar
• Að gera nákvæma starfsáætlun fyrir skólaárið (haustönn og vorönn) sem nær til alla aldurshópa nemenda skólans.  Höfð er samvinna við umsjónarkennara félagsmála um þetta atriði.  Kostnaðaráætlun skal fylgja starfsáætlun
• Að kynna nefndir og starfsáætlun fyrir nemendum skólans í kynningarbækling (september ár hvert) og á sal skólans

4. grein

Sérstaklega ætlað nemendaráði

Nemendaráð er kosið í upphafi skólaárs, september, ár hvert.

Formaður er kosinn sérstaklega

Kosnir eru 4 meðstjórnendur og 2 til vara

Nemendaráð skiptir með sér störfum á fyrsta fundi ráðsins sem eru varaformaður, gjaldkeri, ritari og meðstjórnendi.

Ráðið skipar nefndir eftir þörfum og fylgist með störfum þeirra

Óski nefndir eða ráð eftir aðstoð undirnefnda skal stofnun slíkra nefnda gerð í samráði við nemendaráð.

Gjaldkeri nemendaráðs sér um að bókhald sé rétt fært og að ekki sé eytt um efni fram.

Gjaldkeri þarf að fá staðfestingu hjá skólameistara/ fjármálastjóra skólans og umsjónarkennara vegna fjárútláta fyrir nemendaráð.

Gjaldkeri hefur yfirumsjón með rekstrarkostnaði og bókhaldi nemendaráðs og annarra ráða og nefnda.

Ráðið stuðlar að góðu sambandi við;
nemendur
skólameistara, umsjónarkennara og aðra starfsmenn skólans,
foreldra/forráðamenn nemenda, sérstaklega þá sem eru yngri en 18 ára
félög og klúbba
félag framhaldsskólanema
nemendaráð annarra skóla

Ráðið hugsar fyrir félagslegri aðstöðu nemenda í samráði við umsjónarkennara, skólameistara og rekstraraðila skólans

---